Skattainntøkan í Kvívík vaksin 11 prosent

Góða gongdin í Kvívíkar kommunu heldur fram.

Skattainntøkan hjá kommuni veksur støðugt, og í ár eru 10,67 prosent meira komin inn í skatti samett við í fjør.

Kommunan skrivar á síni heimasíðu, at fleiri ung pør hava sett búgv í Kvívík. 

Í fjør vórðu seks grundstykki sett til sølu, og tey vórðu seld stutt eftir. Kommunan arbeiðir við at útvega fleiri grundstykkir. Nógv standa á bíðilista at fáa grundstykki í Kvívík.

Í Leynum eru grundstykki tøk.