Ikki rætt at siga skúlaleiðara úr starvi

Lærararfelagið hevur fingið viðhald frá Løgtingsins Umboðsmanni um, at tað ikki var rætt at siga skúlaleiðaranum í Hvalvíkar skúla úr starvi, áðrenn úrslitið av fólkaatkvøðuni í Sundalagnum um skúlasamanlegging var greitt.

Tað skrivar Skúlablaðið á netinum. Umboðsmaðurin heitir á Mentamálaráðið um sum skjótast at taka málið til nýggja viðgerð.

Skúlaleiðarin var sagdur úr starvi til fyrsta august í ár, tí skúlin í Hvalvik Streymnesi skal niðurleggjast, sum sjálvstøðugur skúli, tí Sunda Kommuna ætlar at hava ein skúladepil á Oyrarbakka.

Men ein fólkaatkvøða í Hvalvík Streymnesi, og í Hósvík vísti, at fólki í bygdunum vildu varveita skúlarnar.