Løgreglan vil hava fleiri upplýsingar um eldsbruna

Enn er eingin er tikin í málinum um eldsbrunan í felagshúsinum hjá Anonymum Alkoholikarum í Havn mikukvøldið 20. juli, og løgreglan vil framvegis hava upplýsingar frá fólki, sum kunnu hjálpa til at uppklára málið.

Kanningar hjá kriminalteknisku deildini hjá donsku ríkisløgregluni staðfesta, at eldurin varð ásettur, og áðrenn eldur varð settur á, varð brotið inn í húsini.

Løgreglan hevur avhoyrt tveir persónar í málinum, men teir eru latnir leysir, og skuldsetingin um eldáseting er slept.

Jón Klein Olsen, varapolitiinspektørur, sigur, at nógv hava vent sær til løgregluna í málinum, men enn hevur løgreglan ikki nóg góðar slóðir at elta, og vil hava fleiri upplýsingar frá fólki, sum halda seg hava sæð okkurt.

Politiið hevur telefon 351448.