Ivasamt um Føroyanevndin kemur á vitjan

Ivasamt er í løtuni, um Føroyanevndin hjá fólkatinginum kemur til Føroya um tvær vikur, sum annars ætlanin var.

Meirilutin av teimum 29 limunum í Føroyanevndini hjá fólkatinginum teknaðu seg til ferðina hjá nevndini.

Men nú eru nógv avboð komin, sigur formaðurin í Føroyanevndini, Sjúrður Skaale, fólkatingsmaður.

Orsøkin er, at fólkatingið hevur fundir 15., 17. og 19.august, júst somu dagar, sum Føroyanevndin skuldi til Føroya.  

Fólkatingið skal viðgera danska lutin í einum altjóða tiltaki í Libya, har kemisk vápn skulu beinast burtur.  

Tingfólk úr átta flokkum í fólkatinginum høvdu ætlað sær við í námsferðini til Føroya frá 14. til 18.august.