Íslendingar fyrireika seg til val

Flokkarnir í Íslandi fara nú at gera listarnar til altingsvalið í heyst. 

Uppstillingarfundir verða seinni í august og fyrst í september, veit íslendska kringvarpið at siga eftir at hava tosað við allar sjey flokkar, sum ætla at stilla upp. 

Men Piratarnir, sum sambært veljarakanningum nú er størsti flokkurin, verða longu lidnir við sína uppstilling nú um vikuskiftið. 

Hóast formaðurin í Framsóknarflokkinum og onnur tingfólk og ráðharrar í stjórnarflokkunum, hin er Sjálvstæðisflokkurin, ikki vilja hava val fyrr enn valskeiðið er runnið síðst í apríl 2017, fara teir báðir flokkarnir eisini at stilla upp í næstum.

Tí greitt er, at altingsvalið verður í heyst, men valdagurin er ikki ásettur enn. 

Ein nýggjur flokkur, sum eitur Viðreisn, tað merkir endurreisn, stillar upp í øllum valdømum í Íslandi.