Aðalstjórin vil einki siga

Aðalstjórin vil einki siga
Eingin viðmerking yvirhøvur fæst frá leiðsluni í Heilsu- og innlendismálaráðnum um ætlanarskrivið um uppsøgn, sum deildarleiðarin hevur fingið
 
16.08.2016 - 12:10

Sirið Stenberg, landsstýriskvinna, hevur sagt, at hon vil ikki tosa alment um starvsfólkamál í ráðnum.

Og nú sigur Turið Arge, aðalstjóri, tað sama.

Hon viðger ikki innanhýsis starvsfólkaviðurskifti í fjølmiðlunum, sigur hon. Svarið hjá henni er "eingin viðmerking", sama, hvat spurt verður um í sambandi við málið. 

Mótmæla uppsøgnina

Tænastumannafelagið, har sum Anni á Hædd er limur, hevur saman við Anni á Hædd mótmælt avgerðini um at geva henni ætlanarskriv um uppsøgn.

Anni á Hædd fekk ætlanarskrivið mánadagin 18.juli á einum fundi, har sum advokaturin hjá Tænastumannafelagnum var við.

Anni á Hædd er í tí, sum eitur tænastumannalíknandi starv, men Tænastumannafelagið heldur uppá, at Anni á Hædd hevur somu sømdir sum tænastufólk hava, tað vil siga løn í trý ár og møguleika fyri tænastumannakanning, skal hon sigast upp.

Tænastumannafelagið hevur ikki enn frætt aftur frá Heilsu- og innlendismálaráðnum. 

Anni á Hædd er leiðari á deildini Náttúru- og orkumál, haðani Tórshavnar kommunu fekk loyvi at útbyggja havnina, uttan at landsstýriskvinnan hevði góðkent brævið, sum varð sent komununi tann 30.juni. 

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435