- Tíðindi, mentan og ítróttur
Ynskja sær smærri bústaðir
Ynskja sær smærri bústaðir
Næstan annaðhvørt fólk, sum býr við Skálafjørðin og er 65 ár ella eldri, vil flyta úr húsunum í minni íbúð
Annaðhvørt fólk, ið er 65 ár ella eldri, í Nes, Runavíkar og Sjóvar kommunum, ynskir sær smærri bústað, vísir ein tørvskanning
13.09.2016 - 09:53
Skálafjarðarsamstarvið fekk Gallup at gera eina tørvs- og nøgdsemiskanning. 1015 fólk, sum eru 65 ár ella eldri, búgva í Nes, Runavíkar og Sjóvar kommunum. 438 teirra eru við í kanningini.
Yvirhøvur eru fólk væl nøgd, og tey eru væl fyri eisini, er niðurstøðan í kanningini. Tey flestu búgva í egnum sethúsum, og ein stórur partur býr saman við hjúnafelaga ella familju.
45 prosent av teimum spurdu kundu tó hugsað sær at flutt í eina minni íbúð. Næstan 100 av teimum 438 spurdu arbeiða framvegis. Nógv teirra kundu hugsað sær at arbeitt í mong ár afturat.
Tey flestu hava avvarðandi, sum búgva í nánd ella aðra staðni í Føroyum. Meira enn 75 prosent kenna seg ongantíð einsamøll sambært kanningini.
Er kopiera
Nýggjastu sendingar í ÚV
Nýggjastu sendingar í SV
