Samráðast neyvan um Brexit fyrr enn næsta ár

Samráðingar um Brexit byrja neyvan fyrr enn seinast í 2017.

Tað sigur fyrrverandi ES-forsetin, Herman Van Rompuy.

Í samrøðu við BBC nevnir hann bretsku avgerðina at verða, sum at taka ein likamslut av einum fólki.

Hann heldur tað ikki vera sanníkt at samráðingarnar byrja, fyrr enn ein nýggj týsk stjórn hevur tikið við, og val verður ikki til týska samveldistingið fyrr enn í september næsta ár, sigur Rumpuy. 

Hann var forseti í ES frá 2009 til 2014.

- Byrjast kann altíð við tekniskum samráðingum, men eg vænti ikki at nakrar samráðingar vera um stóru málini, fyrr enn ein nýggj týsk stjórn hevur tikið við.

Bretar gjørdu í summar á fólkaatkvøðu av at fara úr ES. 

Theresa May, forsætisráðharri, hevur boðað frá, at hon ikki fer at seta grein 50 í Lissabon-sáttmálanum í verk fyrr enn næsta ár. Tá tað er gjørt, skal málið avgreiðast í seinasta lagi um tvey ár.