Ein fjórðingur eftir av makrelkvotuni

Tølini á heimasíðuni hjá Vørn vísa, at tilsamans eru fiskað 73.499 tons av makreli higartil í ár. - kvotan er 90.329 tons. 

Nótaskipini hava fiskað góð 31.900 tons, ísfiskatrolararnir sløk 13.300 tons og ídnaðarskip góð 10.300 tons.

8.784 tons eru fiskað av teimum 9.000 tonsunum, sum eru keypt á uppboðssølu.

Granskingarkvotan, sum er 1.795 tons, er uppfiskað, og tað er makrelkvotan hjá rækjuskipum, verksmiðjuskipum, ísfiskatrolanum og trolbátum eisini.