Hitaloysnin endaliga samtykt

80 prosent av nýggja skúladeplinum í Marknagili í Havn verða hitað upp við jarðhita og 20 prosent við fjarhita.

Henda loysnin kostar átta milliónir krónur, og kostnaðurin fyri Glasir er nú komin upp í 523 milliónir krónur.

Bíligari enn mett

Rigmor Dam, landsstýriskvinna, bað upprunaliga tingið um at hækka upphæddina á verklagslógini um Glasir við góðum 13 milliónum krónum til jarðhita.

Men síðani varð semja gjørd um, at Glasir bæði skal hava jarðhita og fjarhita, og tann loysnin er bíligari. 

Tað er hesa loysnina, sum Løgtingið endaliga samtykti í dag. Við triðju viðgerð vóru 17 atkvøður fyri og 13 ímóti.