Tórbjørn spyr um Arktis

Hvat ætlar uttanríkisráðharrin  at gera fyri at Føroyar verða nevndar sum eitt land í tí Evropeiska Arktis í framtíðar útsagnum hjá ES um Arktis.

Tað spyr fólkatingslimurin, Tórbjørn Jacobsen, Kristian Jensen, uttanríkisráðharra, í grein 20 spurningi.

Í frágreiðing sínari um Arktis tann 25. oktober harmaðist Kristian Jensen um, at Føroyar ikki vóru nevndar sum land í Evropeiska Arktis, í felagsfráboðan frá ES um Arktis.

Tórbjørn Jacobsen undrast eins og ráðharrin á, at Føroyar ikki verða nevndar - og hann kundi hugsað sær at vita, um uttanríkisráðharrin hevur nakra frágreiðing um, hví Føroyar ikki eru nevndar í felagsfráboðanini.