- Tíðindi, mentan og ítróttur
Støðin í Kangilinnguit skal aftur í brúk
Støðin í Kangilinnguit skal aftur í brúk
Danska stjórnin hevur gjørt við Radikala Vinstraflokkin og Sosialdemokratarnar um framtíðar uppgávurnar hjá verjumálaráðnum í Arktis
![](https://kvf.fo/sites/default/files/styles/grein-ovasta-mynd/public/gronnedal2.jpg?itok=QkBCjdFp)
11.12.2016 - 10:08
Arktisk Kommando, sum er samanleggingin av Færøernes Kommando og Grønlands Kommando hjá donsku verjuni, sum hevur høvuðsstøð í Nuuk, skal eisini hava støð í Kangilinnguit, Grønnedal, í Grønlandi.
Við nýggju avtaluni skal danska verjan brúka 120 miljónir krónur um árið til at verja økið hjá danska kongaríkinum í Arktis, - millum annað við at seta upp fylgisveinar, dronur, nýggja tilbúgving og fleiri starvsfólk í Arktisk Kommando í Nuuk.
Fyrrverandi flotastøðin í Kangilinnguit, Grønnedal, sum varð latin aftur í 2012, skal riggast til aftur. Hon skal brúkast sum logistiskt stuðulspunkt eitt nú til at goyma brennievni og útbúnað í sambandi við møguliga dálingarvanlukkur á havinum, stendur í avtaluni.
Nýggjastu sendingar í ÚV
Nýggjastu sendingar í SV