Eingir fyrr og nú-prísir á fýrverki

Orsøkin er, at í Føroyum er bara loyvt at selja fýrverk frá 27. til 31.desember. Lógin um marknaðarføring sigur, at fyri at kunna lýsa við fyrr og nú prísum, skal vøran vera seld í fýra samanhangandi vikur. 

Hinvegin ber til at geva avsláttur. Til dømis ber at lýsa, at 200 kr. verða spardar, um trý battarí, sum hvørt kostar 400 kr., kosta 1.000 kr. tilsamans.

Sambært Brúkaraumboðnum eru hópavsláttur og pakkatilboð loyvd. Fortreytin er kortini, at seljarar samstundis hava eina veruliga sølu av vøruni hvørjari sær.