Pauli kann vera bæði borgarstjóri og løgtingsmaður

Pauli Trond Petersen í Vestmanna fekk á bygdarráðsfundi týskvøldið loyvi til at vera borgarstjóri og løgtingsmaður í senn eins og í undanfarna valskeiði.

Fýra atkvøður vóru fyri og tvær ímóti.

Borgarstjórin á Tvøroyri, Kristin Michelsen, hevur ikki enn spurt býráðið, um hann kann vera í báðum størvunum. 

Í farna kommunuvalskeiði var hann bæði borgarstjóri og løgtingsmaður.

Annika farin úr tinginum

Annika Olsen í Tórshavnar kommunu hevur sjálv avgjørt at fara úr løgtinginum, meðan hon er borgarstjóri.

Klaksvíkar býráð fer í dag at taka støðu til, um Jógvan Skorheim bæði kann vera borgarstjóri og løgtingsmaður í senn.

Jógvan Skorheim er eisini formaður í Nýggjum Sjálvstýri.