Fýra vilja uppí nevndina í Starvsmannafelagnum

Tey, sum stilla upp, eru Alma Hansen, tannrøktari á Tannlæknastovuni hjá Tórshavnar kommunu, Bjørg Jacobsen, marknaðarsamskipari hjá Føroya Tele, Rúni Lisberg, dekkari hjá Strandfaraskipum Landsins og Svend Åge Seloy, medioteknikari á Landssjúkrahúsinum.

Svend Åge Seloy er í nevndini nú, og hann stillar uppaftur. Hann hevur verið tvey skeið í nevndini.

Niels á Reynatúgvu hevur nú verið trý valskeið, og hann kann tí ikki stilla upp aftur sum nevndarlimur á hesum sinni.

Nevndarlimirnir hjá Starvsmannafelagnum verða valdir fyri trý ár.