Eldur í ruskbingju tætt við olju og bygning

Eldur var í einari ruskbingju á skipasmiðjuni Mest í Havn í nátt.

Sambært vakthavandi á politistøðini stóð bingjan upp at einum bygningi, og ein vørupallur við spillolju stóð nærhendis brennandi ruskbingjuni. Tí var vandi fyri, at eldurin kundi fara víða um. 

Tað eydnaðist sløkkiliðnum at fáa tamarhald á eldinum, so hann ikki festi í annað eldfimt á skipasmiðjuni. 
Løgreglan fekk fráboðanina um eldin um fýra-tíðina í morgun. Eldurin var sløktur umleið hálvan tíma seinni. 

Í morgun varð farið undir at kanna, hvussu eldur kom í ruskbingjuna.