Dýrt stjóraskifti

Tað kostar einum felagi at seta nýggjan stjóra, tí fráfarandi stjórin skal hava fráfaringarløn.

1.september í 2015 var stjóraskifti í Atlantic Airways. Tá tók Jóhanna á Bergi við eftir Jørgen Holme, sum kom í november í 2013.

Hetta sæst í roknskapinum hjá felagnum fyri 2016.

Í 2016 var lønin hjá stjórnini 2 milliónir og 253.000 kr. Hon var fýra milliónir og 114.000 kr. í 2015, næstan dupult so nógv sum í fjør, tí tá fingu tveir forstjórar løn.

Stjórnin er forstjórin og fíggjarstjórin.

Pensjónirnar hjá stjórnini vóru 333.000 kr. í fjør. Tær vóru 461.000 kr. í 2015.