- Tíðindi, mentan og ítróttur
Kvetturoyndin í Turkalandi spøkir í Danmark
![](https://kvf.fo/sites/default/files/styles/grein-ovasta-mynd/public/turkaland_motmaelisgonga_tv2.dk_.jpg?itok=Vn5T8ZHu)
Tað váttar religiøsi ráðgevin á sendistovuni, Adnan Búlent, fyri Kristiliga Dagbladið.
- Savningin av vitanini um dansk-turkarnar er vanlig avleiðing av kvettroyndini, har fleiri fólk lógu eftirá. Um fólkini, sum hava ábyrgdina av kvettroyndini, ganga ímillum okkum, so mugu vit vita tað, sigur ráðgevin við blaðið.
Danskir miðlar hava fyrr almannakunngjørt, at turkiska sendistovan fyrr hevur sent nøvnini á fýra fólkum og 14 frískúlum til turkisku myndugleikarnar.
Özlem Cekic, fyrrverandi fólkatingslimur, og sum sjálv hevur funnist hvassliga at stýrinum hjá Erdogan, forseta, sigur seg vera skelkaða av tí sum hendir.
- Tað órógvar meg, at sendistovan nú alment viðgongur, hvat fer fram, sigur hon.
Síðani kvettroyndina í Turkalandi hálvan juli í fjør, eru fólk í túsundatali handtikin, fleiri túsund eru søgd úr starvi, samstundis sum eftirlitið við andstøðingum er munandi hert.