Galaxy siglir klokkan 15

Veðrið hevur verið ringt at sigla um Suðuroyarfjør síðan í gjár.

Í gjár hevði Galaxy ringan túr suður. Tá skipið var ávegis norð aftur, var so ringt veður, at tað mátti venda aftur inn á Tvøroyri.

Strandferðslan upplýsir, at ættin er eystaneftir, sum er vánalig ætt, og haraftrat er aldan høg.

Galaxy avloysir Smyril, meðan hann er á beding, men Galaxy roynist ikki eins væl sum Smyril, sum ikki ger støðuna frægari.

Roknað verður við, at Smyril kemur aftur í sigling sunnukvøldið.