Eldsbrunin í London hevur kravt mannalív

Fleri fólk eru deyð í eldsbrunanum í íbúðarháhúsinum Grenfell Tower í býarpartinum Kensington i London og meira enn 50 fólk verða viðgjørd á sjúkrahúsi, siga myndugleikarnir.

Enn er tó ikki nóg gott yvirlit yvir støðuna.  

Tilsamans eru 120 íbúðir í húsinum og hæddirnar eru 27 í tali.

Eldurin breiddi seg skjótt

Eldurin varð fráboðaður stutt aftaná midnátt í gjárkvøldið, og breiddi seg skjótt um allan bygningin. Eygnavitni siga seg hava sæð fólk leypa út ígjøgnum vindeyguni fyri at bjarga sær undan eldinum.

200 sløkkiliðsfólk eru til arbeiðis, og eldsløkkingarstjórin í London, Dany Cotton, sigur eldin vera tann størsta, hon hevur sæð tey 29 árini, hon hevur arbeitt hjá brandmyndugleikunum í býnum.

Íbúðarhúsið Grenfell Tower er bygt í sjeytiárunum, men er nýliga umvælt.