Kæra rektaran á Glasi

Lærarar og starvsfólk í Glasi í Hoydølum og í Marknagili hava kært rektararan, Boga Bech Jensen, til landsstýriskvinnuna í mentanarmálum.

Kæran er 16 síður og kært er um 11 viðurskifti, sæst í innlitinum, sum Kringvarpið hevur fingið.

Kært verður m.a. um bygnaðin, arbeiðsumhvørvið, leiðslustílin hjá rektaranum og um, at fólk hava fingið múlaband.

Og fólk kenna seg ótrygg og bangin á arbeiðsplássinum.

Kæran er dagfest 23. juni, og sjey fólk hava undirskrivað hana fyri undirvísarar og starvsfólk, sum arbeiða á Glasi í Hoydølum og Marknagili.