KT-gøla hóttir svensku stjórnina

Ein kt-gøla hóttir nú svensku stjórnina, skrivar fleiri svenskir miðlar.

Dagens Nyheder hevur avdúkað, at upplýsingar, sum gera tað møguligt at finna persónar við loyniligum bústøðum og vardum samleikum, eru kanska liknar úr svenska Transportstyrelsen. 

Talan skal vera um upplýsingar, sum avdúka samleikan hjá svenskum trygdarfólki, løgreglufólki og hermonnum.

Stjórin frá

Í januar mánaði fór aðalstjórin í Transportstyrelsen, Maria Ågren, frá. Tá vildi svenska stjórnin ikki gera viðmerkingar til málið.

Fyrr í juli kom so undan kavi, at Ågren hevur viðgingið, at reglurnar um, hvussu dátur skulu handfarast, vórðu ikki hildnar.

Fleiri andstøðuflokkar í Svøríki ætla nú at leggja fram misálit á stjórnina.

Svenski forsætisráðharrin, Stefan Løfven, hevur kallað inn til tíðindafund um málið í kvøld.