Avloysarar hava kostað eina millión

Tað hevur higartil í ár kostað Landssjúkrahúsinum útvið eina millión krónur at hava avloysarar  fyri sjúkrameldaðar ljósmøður.

Tað vísa tøl, sum Kringvarpið hevur fingið innlit í frá Landssjúkrahúsinum. 

Tølini vísa, at higartil í ár hevur Landssjúkrahúsið brúkt 879.906 krónur til avloysarar fyri ljósmøður.
 
Higartil í ár hava verið 24 avloysarar fyri ljósmøður, sæst í tølunum, sum Kringvarpið hevur fingið frá Landssjúkrahúsinum.