Færri enn tíggju fólk upp á byrsuna í Føroyum

Síðani 1.januar í ár hevur Umhvørvisstovan skrásett næstan 5.700 skotvápn í vápnaskránni og skrivað 2.168 vápnaloyvi, sum eru kravd nú.

Í ískoytinum til røðu løgmans ólavsøkudag verður upplýst, at í vápnaskránni eru 5.693 vápn.  

Seks veitarar eru góðkendir at halda vápnatrygdarskeið.

20 fólk eru góðkend at læra fólk at handfara og brúka byrsu.

Miljø- og Fødevareministeriet í Danmark hevur góðkent, at føroyska vápnaprógvið kann brúkast til at fáa útskrivað “gæstejagttegn” í Danmark.

Fólk hava eisini havt møguleikan at lata løgregluni skotvápn, sum eru mett at vera ólóglig.

Freistin var úti 1.juli í fjør, og løgreglan fekk knappliga 180 skotvápn.