Útlendingamál: Schengen er ein avbjóðing

Tað er ein avbjóðing at fáa semju við Schengen-myndugleikarnar um marknaeftirlitið, men gongst sum ætlað, verður hesin spurningurin greiddur í hesum árinum, sigur Uttanríkis- og vinnumálaráðið í ískoytispartinum til løgmansrøðuna.

Uttanrkis- og vinnumálaráðið, Útlendingastovan og danska embætisverkið eru farin at gera neyðugu útgreiningarnar, so endaliga grundarlagið at yvirtaka málsøkið útlendingamál verður klárt. 

Umleið 1300 útlendingar eru í Føroyum í løtuni, og talið veksur.

Arbeiðið er byrjað

Umráðandi er, at útlendingarnir verða integreraðir í føroyska samfelagið, og arbeiðið at seta í verk eina integrasjónsætlan er byrjað, sigur Uttanríkis- og vinnumálaráðið. 

Arbeiðið fevnir m.a. um kunningartilfar, betur skipaða undirvísing til útlendingar og átøk á arbeiðsmarknaðinum. 

Føroyskir myndugleikar hava fingið íblásgur frá royndum í øðrum londum við integrasjón, eitt nú í Íslandi.