Vágatunnilin ikki latast landinum enn

Vágatunnilin skal ikki latast landinum, fyrr enn partapeningurin er goldin. 

Útveganarkostnaðurin er at skilja sum bæði lán og partapeningur.

Annars hevði tað staðið í lógini um Vágatunnilin. Tað ger tað ikki.

Tað sigur Landsstýrismálanevndin hjá løgtinginum, sum í gjár gjørdi ta niðurstøðu, at Henrik Old, landsstýrismaður, ikki hevur brotið lógina um fast samband um Vestmannasund.

Jørgen Niclasen, løgtingsmaður, kærdi Henrik Old fyri at bróta eina aðalfundarsamtykt hjá P/f Vágatunlinum.

Aðalfundurin samtykti at landið skuldi fáa undirsjóvartunnilin 10.desember í fjør. 

Partapeningurin hjá landinum í Vágatunlinum er 160 mió. kr.