Uttan virknað um hon ger seg inn á aðrar lógir

Føroyska stjórnarskipanin fær ongan rættarvirknað ella bara avmarkaðan rættarvirknað, har sum hon ikki er í samsvari við grundlógina, heimastýrislógina og yvirtøkulógina.

Tað er, um verandi uppskot verður samtykt.

Tað sigur Lars Løkke Rasmussen, forsætismálaráðharri, í sínum hoyringarskrivi um stjórnarskipanina.

Forsætisráðharrin spurdi í danska Løgmálaráðnum um uppskotið, og hann vísir til svarið haðani í sínum hoyringarsvari.   

Hjá donsku stjórnini er avgerandi, at danska grundlógin framvegis verður galdandi í Føroyum, so leingi Føroyar eru í ríkinum.

Lars Løkke Ramussen biður um, at stjórnin verður kunnað, um arbeiðið við stjórnarskipanini ger, at ivi verður um stjórnarskipanarligu støðu Føroya.

Løgmálaráðið sigur í sínum uppriti, at soleiðis sum uppskotið nú er orðað, er ætlanin, at grundlógin framvegis verður  galdandi í Føroyum.