Íbúðir har sum skúlin er og eplaveltur á fløtuni

Íbúðir har sum skúlin er og eplaveltur á fløtuni
Tvey uppskot um framtíðina hjá Hoydølum verða sýnd fram í Mentamálaráðnum. Tey einastu av 46 sum hava myndir
Ragnar Zachariassen hjá Zeta arkitektum og Rigmor Dam, landsstýriskvinna. Mynd Mentamálaráðið.
 
06.09.2017 - 07:52

Fólk skulu búgva í Hoydølum, tá skúlin har eina ferð flytur í Marknagil. 

Zeta arkitektar hava saman við Bústøðum gjørt uppskot um at gera íbúðir og barnagarð í skúlanum, matstovu og kømur at leiga í Sanatoriinum og kreativan verkstað í Nýggja húsi.

Harafturat er ætlanin at brúka part av sjálvari fløtuni í Hoydølum til smáar garðar, sum fólka kunnu leiga til at  velta epli og annað grønmeti.

Uppskotið hjá Zeta og Bústøðum kann síggjast í Mentamálaráðnum við Hoyvíksvegin í Havn næstu tvær vikurnar.  

Tvey við myndum

LISA, Listafólkasambandið, hevur gjørt bókling um uppskotið hjá LISA um at gera listadepil í Hoydølum. Hesin bóklingurin er eisini á framsýningini í Mentamálaráðnum.

46 uppskot komu, tá Mentamálaráðið bað fólk um at siga sína hugsan um framtíðina hjá Hoydølum.

Uppskotini hjá Zeta og Bústøðum og hjá LISA eru øðrvísi enn hini 44, tí í teimum eru eisini myndir.

Mentamálaráðið hevur ikki avgjørt enn, hvussu bygningarnir hjá landinum í Hoydølum skulu brúkast, tá gamli Føroya Studentaskúli og HF-skeið flytur haðani.

Er kopiera
Nýggjastu sendingar í ÚV
Leygardag 31. mai
Jambalaja - takk fyri hesaferð
192669
Leygardag 31. mai
Vikan 31. mai 2025
192633
Leygardag 31. mai
Morgunlestur leygardagur 31.mai 2025
192277
Nýggjastu sendingar í SV
Leygardag 31. mai
Norðoyastevna 2025: 10 MANNAFØR
192646
Leygardag 31. mai
Norðoyastevna 2025: 5 MF KVINNUR
192643
Leygardag 31. mai
Norðoyastevna 2025: 6 MF MENN
192644