Lutakast um 22 grundstykki á Hamrabøi í Kollafirði

Tórshavnar býráð samtykti einmælt í gjárkvøldið at selja grundtykkini á Hamrabøi í Kollafirði eftir leistinum, sum umsitingin mælti til.

Fyrst verða øll 22 stykkini boðin teimum 11 á bíðilistanum, sum vilja keypa á Hamrabøi, við lutakasti eftir teirri mannagongd, sum hevur verið brúkt higartil. 

Tey grundstykki, sum ikki verða tikin í lutakastinum, fara víðari til almenna lutakastið, sum øll kunnu vera við í.

Tórshavnar kommuna kann selja grundstykkini á Hamrabøi fyri minni enn tað, sum tey kostaðu komunununi at útvega.

Tað avgjørdi Kommunala eftirlitið í summar, eftir at minnilutin í býráðnum kærdi meirilutan fyri at selja grundstykkini fyri undirprís.

Minnilutin segði, at við avgerðini hjá meirilutanum skulu onnur fólk í kommununi rinda fyri at nøkur fáa bílig grundstykki.