Nakað av harðskapi í nátt

Nakað av vindi var í nátt, men hevur løgreglan hevur bert fingið eina fráboðan um skaða.  Tað var í Klaksvík, har ein rútur í bygninginum hjá Íðka brotnaði í illveðrinum.

Men gott tað sama, tí í nátt vórðu boð eftir løgregluni, tí tveir menn vóru komnir til ilnar á einum skeinkingarstaði í Havn. 

Talan var um ein 39 ára gamlan dana, sum hevði sparkað ein 25 ára gamlan russiskan sjómann í ryggin og nakkan, meðan hann lá niðri. Hildið var, at russarin misti vitið eina løtu, og tí var hann sendur á Landssjúkrahúsið til kanningar. Hann er tó útskrivaður aftur nú í morgun.

Seinnapartin í dag verður russarin avhoyrdur, so hann kann sleppa avstað aftur við skipinum.

Vitni skulu eisini avhoyrast og aðrar kanningar gerast, áðrenn støðan verður tikin til, hvat víðari skal henda í málinum.

Báðir mennnir vóru ávirkaðir av rúsdrekka.