Finst at bróstscreening í Noregi

Høvuðsniðurstøðan í frágreiðingini er, at mammografi-screeningin hevur minkað deyðstýttleikan fyri bróstkrabba hjá teimum, sum koma til screening, við 40 prosentum.

18.640 kvinur hava fingið staðfest bróstkrabba, tá tær vóru til screening. 

Óneyðug viðgerð

Per-Henrik Zahl, granskari, sigur, at Krabbameinsskrásetingin ger ov nógv av og gevur kvinnum skeivar upplýsingar, skrivar NRK.

- Tá tú sigur, at 18-túsund kvinnur hava fingið diagnosuna gjøgnum mammografiscreening, átti tú eisini at komið við tølum fyri, hvussu nógvar eru yvir-diagnostiseraðar, sigur Zahl við NRK.

Hann heldur, at meira enn helvtin av teimum 18-túsund kvinnunum ongantíð áttu at fingið viðger fyri bróstkrabba.

Svullur í dvala

Leiðarin fyri mammografi-screeningini vísur atfinningunum aftur. 

- Tað er vandi fyri yvir-viðgerð í øllum sløgum av diagnostikki, men innafyri bróstkrabba vita vit, at svullir kunnu liggja í friði leingi og so brádliga vakna úr dvala. Tí bjóða vit øllum kvinnum, sum hava krabbameinskyknur í svullinum viðgerð, sigur Solveig Hofvind, deildarleiðari fyri mammografiini í  Krabbameinsskrásetingini.