ST krevur linari fosturtøkulóg í Føroyum

Børn í Føroyum eiga ikki at vita av fátækradømi.

Lógin um fosturtøku eigur at verða dagførd, so hon verður sum galdandi lóg í Danmark.

Og fleiri hagtøl mugu fáast til vegar.

Serfrøðingarnir hjá ST hava nú gjørt niðurstøðu eftir hoyringina 15.september um støðuna hjá barnarættindasáttmálanum í Føroyum.  

Serfrøðinganevndin hjá ST heitir á landsmyndugleikarnar um at tryggja, at lóggáva og fyriskipanir eru í tráð við
meginreglurnar og ásetingarnar í barnarættindasáttmálanum.

Børn í lógirnar

Teir eiga eisini at hugsa um børnini, tá nýggjar lógir verða gjørdar. 

Føroyskir myndugleikar eiga at hava ítøkiligar tíðarásetingar og mál fyri, hvussu barnarættindasáttmálin hjá ST, sum hevur verið í gildi í Føroyum síðani 1993, kemur í føroyska lóggávu.

ST nevndin fegnast um nøkur tiltøk í Føroyum, so sum at basa kynsligum ágangi.

Hon fegnast eisini um, at børn kunnu ringja og biðja um ráð. Men tey eiga at kunna gera tað alt samdøgrið, sigur serfrøðinganevndin viðvíkjandi barnarættindasáttmálanum hjá ST.