Arbeiðsumstøðurnar á fiskiskipum mugu raðfestast

26.10.2017 - 12:11
Aktuelt112
Arbeiðsumstøðurnar á fiskiskipum mugu raðfestast
Sjóvinnustýrið veit ikki, hví óhapp hendi á Topas. Men mælt verður til at ansa betur eftir arbeiðsumstøðunum hjá fiskimonnum
Óhappið á Topas hendi, har sum pílurin peikar.
Mynd: © Sjóvinnustýrið  
 

Reiðarar mugu vera meira tilvitaðir um tær lógir, sum eru galdandi um arbeiðsumhvørvið á fiskiskipum.

Og neyðugt er at leggja størri dent á eftirlitið við fiskiskipum.

Tað er niðurstøðan hjá Sjóvinnustýrinum, sum kannaði eitt óhapp á trolaranum Topas fyri einum ári síðani.

Sjóvinnustýrið nevnir krøv um ung undir 18 ár, trygdarskeið um arbeiðsumhvørvi, meting um arbeiðsplássið, hvussu trygdarútgerðin skal brúkast og, at manningin skal hava kravdu førleikarnar og royndirnar. 

Óhappið á Topas hendi 24.oktober í fjør, tá ein dekkari varð kroystur millum trolvektina og lúnningina. 

Ungur dekkari

Dekkarin var yngri enn 18 ár. Hetta var fjórði túrur hansara við Topas.

Hann fekk skaða av óhappinum, og tyrla kom eftir honum. Neyðugt varð at leggja tann skadda undir skurð á Landssjúkrahúsinum.

Sjóvinnustýrið kann ikki staðfesta orsøkina til óhappið.

Tveir møguleikar eru, sigur Sjóvinnustýrið. Annar er menniskjansligur feilur, sum er tann, at bremsan á veirspælinum ikki var gjørd virkin. 

Hin møguleikin er mekaniskur feilur. Hann er, at bremsan á veirspælinum gleið, tá teir hálaðu. 


 

 
Nýggjastu sendingar í ÚV
Sunnudag 17. november
Meg minnist: Bjarki Skúvadal (3:3)
100999
Sunnudag 17. november
Credo: Exoplanetur
100894
Sunnudag 17. november
Upp á tá 151119
101159
Sunnudag 17. november
Jambalaja - Luke Combs og Erin Enderlin
101158
Sunnudag 17. november
Millum gráar skuggar (20:21)
98200
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878