- Tíðindi, mentan og ítróttur
Bakkafrost keypir fóðurskip til alingina í Suðri
Bakkafrost keypir fóðurskip til alingina í Suðri
JT electric skal umbyggja farmaskip til fóðurskip
![](https://kvf.fo/sites/default/files/styles/grein-ovasta-mynd/public/fodurskip.png?itok=-kKm0NTz)
Fóðurskipið verður 75 metrar langt.
02.11.2017 - 08:05
Bakkafrost og JT electric á Kambsdali hava gjørt avtalu um eitt fóðurskip til alingina í Suðuroynni.
JT electric skal keypa eitt farmaskip og umbyggja tað til fóðurskip. Skipið skal vera 75 metrar langt. Tað skal latast Bakkafrosti fyri 1.juni næsta ár.
Í skipinum, sum fer at liggja fyri akkeri, skal hava fóðurgoymslu og sjálvvirkandi fóðringarskipan.
Skipið verður umbygt á skipasmiðju í Pólandi. Fólk frá JT electric fara at leiða arbeiðið og gera partar av arbeiðinum.
Hjá JT electric starvast 35 fólk, seks teirra arbeiða í eini menningardeild, sum fæst við at menna nýggjar skipanir og vørur til alivinnuna í Føroyum og uttanlands.
Nýggjastu sendingar í ÚV
Nýggjastu sendingar í SV