27 latið lív í melduródn

Í minsta lagi 27 fólk hava latið lív í Vietnam har ein melduródn hevur herjað um vikuskiftið.

Ringast rakta økið er landsluturin Khanh Hoa, har fleiri doyðu, tá hús teirra vórðu skolað burtur av ovurstóru vatnmongdunum.

22 fólk eru ikki afturíafturkomin, teirra millum er manningin á einum farmaskipi, sum koppaði útfyri landslutin Binh Dinh.

Umleið 600 hús eru oyðiløgd og eini 40.000 hava fingið skaða. Eisini eru fleiri útróðrarbátar farnir til botns ella fingið skaða.

Hetta er aðru ferð seinasta mánaðin, at Vietnam verður meint rakt av ódnarveðri.

Í oktober doyðu 75 fólk í eini tropiskari ódn, sum herjaði landið.