Tórshavnar Kommuna nýggjan integratiónssamskipara

Kommunan hevur í longri tíð arbeitt við átøkum og skipanum innan integratión, og fyrr í ár varð avgjørt at skipa eitt starv burturav til hetta virkisøkið. 

Økta tilflytingin til høvuðsstaðin við nýggjum borgarum úti úr heimi hevur við sær tørv á skipanum og tænastum bæði til borgararnar og kommununa sjálva sum tænastuveitara og arbeiðsgevara. 

Siri Helgadóttir Tórgarð byrjaði í starvinum 1. november. 

Saman við trivnaðarnevndini í býráðnum verður ætlan løgd fyri arbeiðið, har dentur verður lagdur á at fáa í lag skipaðar mannagongdir, málrættað tænastustig og størri innlit í integratiónsøkið sum heild. 

Samskiparin skal skipa fyri átøkum og samstarvi áøkinum, og veita kunning og vegleiðing til tilflytarar og aðrar áhugabólkar.