- Tíðindi, mentan og ítróttur
Trump ógildar friðingar
Trump ógildar friðingar
Nøkur stór øki í USA, sum vórðu friðað, meðan Bill Clinton og Barack Obama vóru forsetar, skulu nú brúkast til námsvinnu og aðra vinnu
06.12.2017 - 10:33
Tað hevur amerikanski forsetin, Donald Trump, gjørt av. Forsetin hevur tikið avgerð um at ógilda friðingina av tveimum stórum náttúruøkjum í statinum, Utah.
Talan er um økini Grand Staircase-Escalante og Bears Ears. Økini vórðu friðað, meðan Bill Clinton og Barack Obama vóru forsetar.
Í Grand Staircase-Escalante minkar friðingin umleið 46% og í Bears Ears heili 85%.
Lokalar avgerðir
Trump sigur, at hann vil lata lokala fólkið gera av, hvussu økini skulu brúkast.
Hetta merkir, at tað nú verður staturin, Utah, sum sjálvur skal gera av, hvussu økið verður nýtt - og ikki samveldisstjórnin.
Miðlar siga, at helst fara fleiri friðinginar í øðrum økjum í USA eisini at verða settar úr gildi.
Er kopiera
Nýggjastu sendingar í ÚV
Nýggjastu sendingar í SV
