Ringast við skaðum norðanfyri

Løgreglan hevur fingið fráboðan um skaðar - serliga norðanfyri. John Martin Olsen, vaktleiðari á politstøðuni, fortaldi í tíðindunum í morgun, at løgreglan hevur móttikið umleið 30 fráboðanir um vindskaðar. 

Serliga er tað norðanfyri, at illveðrið ger um seg - serstakliga í Norðragøtu og Fuglafirði. 

Talan er bara um evnisligar skaðar, og eingin fólkaskaði er fráboðaður. 

Løgreglan heitir eisini á fólk um at royna at steðga leysum lutum, sum flúgva uttanfyri. 

- Eg vil gjarna heita á fólk, sum síggja okkurt flúgva leyst uttanfyri, um at royna at herberga hesum sjálvi og leggja grót oman yvir, sigur John Martin Olsen og greiðir frá, at lutirnir sum oftast eru vekk, tá løgreglan kemur á staði.