Einki brexit hesa vikuna

Einki brexit hesa vikuna
Ein talsmaður fyri bretska forsætisráðharran sigur, at stjórnin franmvegis arbeiðir við einum uppskoti, sum skal slóða fyri fyrsta parti av Brexit
 
08.12.2017 - 07:35

Uppskotið skal umrøðast á ES toppfundinum sum verður 14. desember.

- Tað eru hend framstig, men enn eru viðurskifti eftir at fáa upp á pláss, sigur talsmaðurin.

Blaðið The Sun skrivar, at einki hendir í brexit samráðingunum hesa vikuna, og tey tíðindini hevur blaðið frá keldum í Norðurírska Sambandsflokkinum, sum stuðlar Theresu May, forsætisráðharra.

Bretar eru ónøgdir

Samstundis vísir ein meiningakanning, at bretsku veljararnir eru ónøgdir við gongdina í samráðingunum. 61% av teimum spurdu siga, at stjórnin ikki ger eitt nóg gott arbeiði í samráðingunum.

2.200 fólk vórðu spurd. Í februar vóru 41% ikki nøgd við gongdina, og í mars vóru 55% ikki nøgd.

Tað eru serliga tey, sum siga seg hava atkvøtt fyri brexit, sum eru misnøgd við gongdina.

Samstundis verður næstformaðurin í norðurírska Sambandsflokkinum endurgivin fyri at siga, at tað er írska stjórnin, sum roynir at forða samráðingunum, og at tað kann skaða góðu viðurskiftini, sum eru ímillum írar og bretar.

Er kopiera
Nýggjastu sendingar í ÚV
Fríggjadag 25. juli
RagnarRokk: Alfio Annibalini um Stygian Waves
194129
Fríggjadag 25. juli
Morgunlestur fríggjadagur 25. juli 2025
194848
Hósdag 24. juli
Morgunlestur hósdagur 24. juli 2025
194847
Mikudag 23. juli
Sangir úr mínum lívi - Beinir
194884
Nýggjastu sendingar í SV
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844