PF Enniberg stevnt landsstýrinum

Tað váttar Rógvi Reinert, aðalstjóri í Fiskimálaráðnum, í gjárkvøld.

Mortan Johannesen, nevndarformaður í Ennibergi, vil ikki gera samrøðu við útvarpið, men hann váttar, at reiðaríið hevur stevnt landsstýrnum fyri ognartøku og at leggja seg út í sáttmálan millum Reiðarafelagið og Fiskimannafelagið.

Reiðaríið metir, at fiskivinnulóggávan er ein ognartøka við endurgjaldsskyldu.

PF Enniberg rekur trolaran Enniberg, sum seinastu árini hevur havt rættin at fiska 23 prosent av kvotunum í Barentshavinum.

Við lógini um sjófeingi, sum varð samtykt í gjár, skulu 15 prosent av samlaðu kvotuni seljast á uppboðssølu.

Vit hava roynt at fáa eina samrøðu við stjóran í P.f. Ennibergi, Kaj Johannesen, men tað hevur ikki eydnast.