Høgni Hoydal avhoyrdur

Avhoyringarnar hjá kanningarstjóra Kristina Samuelsen, halda í morgun fram.

Fyrr í mánaðinum vóru embætisfólk í Fiskimálaráðnum og Vørn avhoyrd, og í morgun er tíðin komin til landsstýrismannin Høgna Hoydal.

Avhoyringarnar vóru upprunaliga fyri afturlatnum hurðum, men hesaferð eru avhoyringarnar almennar. Løgmaður Aksel V. Johannesen verður avhoyrdur í morgin. 

Andstøðan bað um kanningarstjóra

15 fólk í andstøðuni í løgtinginum bóðu um kanningarstjóra at svara seks spurningum um embætisførsluna hjá Høgna Hoydal viðvíkjandi veiðiloyvunum hjá partafelagnum Nærabergi.

Næraberg, sum er uppsjóvarskip, fekk veiðiloyvini hjá Eysturoyingi og Helenu, línuskipum, sum hava ligið í nógv ár.

Sjeyndi spurningurin er, um løgmaður hevur røkt sína skyldu at hava eftirlit við landsstýrismanninum í fiskivinnumálum á fullgóðan hátt.

Kanningarstjórin játtaði upprunaliga Fiskimálaráðnum at avhoyra embætisfólk fyri afturlatnum hurðum við atliti til, at trúnaðarskjøl fóru at verða løgd fram. Men nú Høgni Hoydal og Aksel V. Johannesen verða avhoyrdir, er tann avgerðin broytt.