Tilflytarar verða fluttir heimaftur

Flogfør við tilflytarum fara hvønn dag úr Libya til Nigera, Fílabeinsstrondina, Senegal og onnur lond í Afrika.

Tilflytararnir hava hildið til í legum í Libya, og CNN hevur avdúkað, at teir stundum verða viðfarnir sum trælir.

Tá hetta kom undan kavi, komu afrikanska samgongan og ES ásamt um at senda tilflytararnar heimaftur. 

Ætlanin er at senda 15.000 tilflytarar úr Libya fyri nýggjár.

Libya hevur verið transit-land fyri túsundtals tilflytarar úr Afrika, sum royna at sleppa til Evropa. 

At borgararkríggj herjar í Libya, ger støðuna uppaftur verri.

Afrika-tíðindamaðurin hjá danska kringvarpinum, Søren Bendixen, sigur, at tað er misjavnt, hvat tilflytararnir koma heimaftur til.

Teir eru sera vónsviknir av, at royndin at sleppa til Evropa miseydnaðist, sigur Søren Bendixen.