Mykinesleiðin boðin út

Strandfaraskip landsins bjóða Mykinesleiðina út frá 2018 at rokna. Leiðin verður boðin út at røkja í trý ár við møguleika at leingja sáttmálan í tvey ár - til og við 2022.

Sigldir verða tveir túrar um dagin frá 1. mai til 31. august. Eisini verður siglt í heystfrítíðini.

Sáttmálaprísurin er 300.000 kr. um árið, sum Strandfaraskip landsins gjalda tí, sum fær siglingina.

Men tann, sum fær siglingina, fær eisini allar inntøkur av farmi og ferðafólki. Tær inntøkurnar vóru 1,3 mió. kr. í ár.

Strandferðslan treytar sær at kunna leiga skipið á Mykinesleiðini til sigling á øðrum leiðum 80 dagar um árið. Hvør dagur kostar í mesta lagi 9.000 kr.

Freistin at bjóða upp á Mykinesleiða er 1. februar.

Strandfaraskip landsins vilja hava eitt skip, sum tekur minst 40 ferðafólk.

Mykinesleiðin hevur verið boðin út til privat felag at røkja síðani 2006.