Fiskiskapurin á Flemish Kap kann byrja 7. januar

Á midnátt byrjaði føroyski toskafiskiskapurin á Flemish Kap.

Føroyska kvotan á er í ár 2491 tons av toski. Fiskiskapurin á Flemish Kap verður skipaður við felagskvotu, og alt skal fiskast við línu. 

Átta línuskip hava fingið loyvi at royna á Flemish Kap, og fáa tey tí í meðal 311 tons at fiska. Men av tí at talan er um felagskvotu, so kunnu einstøk skip fiska meira enn hesi 311 tonsini, áðrenn samlaða felagskvotan er uppfiskað.

Ågot, Klakkur, Kambur, Stapin, Eivind, Pison, Sandshavið og Jákup B hava øll fingið loyvið útskrivað frá Vørn til at fiska føroysku kvotuna á Flemish Kap.