Skrokkurin skal smíðast í Litava

Ein skipasmiðja í Litava fer at smíða skrokkin til nýggja havrannsóknarskipið.

Skipasmiðjan Mest hevur skrivað undir sáttmála við skipasmiðjuna Western Baltija Shipyard í Litava um skrokkin.

Mest sigur, at hetta er ein skipasmiðja við drúgvum royndum, sum hevur smíðað skrokkar til skipasmiðjur í m.a. Noregi, Danmark og Týsklandi í mong ár.

Skrokkurin til havrannsóknarskipið, sum landið letur byggja, verður væntandi liðugur á sumri í 2019. . Skipið verður gjørt liðugt á Mest á Skála.

Nýggja havrannsóknarskipið verður 54 metrar langt og 13,6 metrar breitt, og tað skal verða liðugt á sumri í 2020.