- Tíðindi, mentan og ítróttur
Miðflokkurin eigur tingdagin
![](https://kvf.fo/sites/default/files/styles/grein-ovasta-mynd/public/20150512_ut_vid_borgarstjorum_11.jpg?itok=eWLbs9vQ)
Løgtingið skal taka støðu til, um Kristina Háfoss, landsstýriskvinna, skal svara einum skrivligum fyrispurningi frá Bill Justinussen um lønarútgjaldingar hjá kommunum til limir í pedagogfelagnum undir verkfallinum.
Tingið fer at viðgera eitt uppskot frá Miðflokkinum um at broyta kommunustýrislógina soleiðis, at borgarstjórar eisini kunnu sita í løgtinginum samstundis.
Sambært uppskotinum skal tað ikki vera ein meiriluti í einum kommunustýri, sum skal gera av, um ein borgarstjóri í fullum starvi kann røkja annað fólkavalt starv.
Eftir fyrstu viðgerð fer uppskotið í rættarnevndina.
Miðflokkurin eigur eisini uppskotið til samtyktar um royndarskipan við medisinskum cannabis. Tað málið verður beint í trivnaðarnevndina.
Munnligir fyrispurningar frá løgtingsfólkum til landsstýrisfólkini eru eisini á skránni fyri tingfundin í dag, sum byrjar klokkan 11.