Besti lønarsáttmáli hjá lærarum

Besti lønarsáttmáli hjá lærarum
Lønarliga er sáttmálin, sum Lærarafelagið gjørdi í januar tann besti hjá felagnum síðani 2008.
 
23.02.2018 - 08:23

Tað sigur formaður felagsins, Herálvur Jacobsen, sum í Skúlablaðnum tekur samanum.

Hann sigur, at nevndin í Lærarafelagnum var ikki nøgd við eina lønarhækking í krónum, tí stórur partur av limum felagsins liggja oman fyri miðallønina, 30.250 kr., sum lønarhækkingin varð roknað eftir. 

Lærarafelagið hevði fyrsta fyrireikandi fundin í samráðingunum við Lønardeildina í juni 2017. Seinasti fundurin fyri jól var í november. 

Tá stóð framvegis í botni um lønarspurningin, tí Fíggjarmálaráðið tvíhelt um eina lønarhækking í krónum. 

Tá samráðingarnar vórðu tiknar uppaftur í januar 2018, góðtók Fíggarmálaráðið eina lønarhækking, sum var 2,3 prosent frá 1. oktober 2017 og 2,5 prosent frá 1. oktober 2018. 

Herálvur Jacobsen sigur, at nú Lønarnevndin er sett, hava helst nógv hildið, at hetta fór at kyrra fakfeløgini og steðga lønarkrøvum teirra fyribils. Men so varð tó ikki.

Hann sigur, at lítil ivi er um, at lærarar fara at sammeta seg við aðrar fakbólkar lønarliga, og at lønarkrøvini fara at økjast. 

Men eins týdningarmiklar og lønin eru arbeiðsumstøðurnar hjá lærarum, og her er langt á mál, sigur formaðurin í Lærarafelagnum.

Er kopiera
Nýggjastu sendingar í ÚV
Leygardag 10. mai
Jambalaja - 100525
191703
Leygardag 10. mai
Upp á tá - 090525
191699
Leygardag 10. mai
Vikan 10. mai 2025
191694
Leygardag 10. mai
Morgunlestur leygardagur 10.mai 2025
191025
Nýggjastu sendingar í SV
Leygardag 10. mai
Dagur og vika - teknmálstulkað
191687
Fríggjadag 9. mai
Veðrið
191675
Fríggjadag 9. mai
KAKUMiKS (6:7)
191658
Fríggjadag 9. mai
Dagur og vika - teknmálstulkað
191644
Hósdag 8. mai
Hondbóltur: Kosovo - Føroyar
191625