Fleyr gjørdist steypavinnari hjá kvinnum

Fleyr vann steypafinaluna í flogbólti hjá kvinnum.

Tað var annars Dráttur, sum kom best frá byrjan og vann tvey tey fyrstu settini - 25-22 og 25-22. Men síðani kom Fleyr afturíaftur og vann 3. og 4.settið 25-15 og 25-21. Fimta og avgerandi settið vann Fleyr eisini sannførandi, 15-8.

Fyrr í gjár vann b-liðið hjá SÍ steypafinaluna hjá monnum móti favorittunum úr ÍF. Eisini her var talan um ein 5'settara. Hetta er fyrstu ferð í føroyskari flogbóltssøgu, at eitt lið úr næstbestu deildini vinnur steypakappingina í mansflogbólti.