Nýggj rúsdrekkalóg í Grønlandi

1.  mars kemur nýggj rúsdrekkalóg í gildi í Grønlandi.

Tá nýggi rúsdrekkapolitikkurin verður settur í verk, skulu øll arbeiðspláss við meira enn einum starvsfólki - privat og alment seta í verk rúsdrekkapolitikk.

Tað skrivar grønlendska heilsumálaráðið.

Men øll onnur, sum søkja kommununa um skeinkiloyvi ella loyvi at selja rúsdrekka, skulu eisini eftir 1. mars skjalprógva sín rúsdrekkapoltikk.

Agathe Fontain, landsstýriskvinna í heilsumálum, sigur við Sermitsiaq, at tað at orða rúsdrekkapolitikkin tryggjar, at arbeiðspláss veruliga taka støðu til, hvussu tey skulu loysa avbjóðingar í sambandi við rúsdrekka - t.d. um eitt starvsfólk hevur rúsdrekka-trupulleikar.

Hon sigur, at fleiri arbeiðspláss longu hava orðað sín rúsdrekkapolitikk, skrivar Sermitsiaq.