Sonja spyr um ríkidømi

Hon spyr, hvussu nógv ríkasta promillan, tað vil siga 50 tey ríkastu fólkini, eiga av øllum ognum í landinum, og hvussu stórur partur er kvinnur og menn.

Sonja Jógvansdóttir setur landsstýriskvinnuni tilsamans sjey spurningar um ríkidømi í Føroyum.

Hon sigur, at kanska eru Føroyar javnasta landið í heiminum, men kortini er ójavnin seinastu árini nógv vaksin.

Nógv bendir á, at fleiri føroyingar eru serstakliga ríkir, meðan 10%, liva í fátækraváða.

Spurningurin verður settur fyri at fáa øll tøl til vega, sum vísa, hvussu nógv av samlaðu ognunum, tey ríkasta eiga, sigur Sonja Jógvansdóttir í viðmerkingunum til spurningin.